Çalakî ji aliyê NAV-DEM û Yekîtiya Hêzê ya Demokratîk ve tê organîzekirin û wê sibê saet di 15:00 de destpê bike. Ji bajarên Frankfûrt, Gîessen, Darmstadt, Manneheîm, Saarbrucken, Maînz, Hanaû û Fûldayê wê Kurd û demokratên şoreşger beşdarî çalakiyê bibin.

Li ser navê komîteya amadekar a meşê Omer Koyûncer û Cano Yildiz daxuyanî dan û anîn ziman ku ji bo silavkirina berxwedana xwerêveberiyê ya li Kurdistanê û protestokirina êrîşên hikûmeta AKP'ê, ew ê çalakiyê lidar bixin.

Berdevkan ragihandin ku ew dixwazin dawî li vê bêdengiya raya giştî ya Ewropayê bînin û got, "Çawa ku par di vê wextê de em ji bo Kobanê û Rojava li ser piya bûn, îro jî em ê ji bo Cizîr, Sûr û Nisêbînê li qadan bin. Lewma, ji bo xwedîderketina li rûmeta xwe em bang li her kesî dikin ku beşdarî vê meşê bibin.