Navenda Ragihandin û Çapemeniyê ya HPG’ê têkildarî bomberdûmana artêşa Tirk a li hember herêmên gerîlayan daxuyaniyeke nivîskî weşand.

HPG’ê diyar kir ku êrîşên obus û hawanan didomin û got: “8’ê Îlonê saet di navbera 21.30-22.30 de Tepê Sîvrî yê girêdayî qereqola Bezelê ya girêdayê navçeya Şemzînan a Colemêrgê qada Tepê Sor a li ser xeta herêma Avaşîn bi obus û hawanan bombe kiriye.

Ji 7’ê Îlonê û vir ve Alaya Topçû ya Gulyaziyê Deriyê Dawetiyê ya girêdayî herêma Heftanînê bi obus û hewanan bomberdûman dike.

8’ê Îlonê saet 10.00 - 11.00’an qereqola Erîş herêma Xeregol a girêdayî herêma Zapê bi obusan bomberdûman kir.”

BALAFIRAN LI GELIYÊ DOSKÎ DAN

HPG’ê der barê tevgera hewayî ev agahî dan:

8’ê Îlonê saet 19.00-20.00’an balafirên şer ên  artêşa TC Girê Şehîd Hozan û herêma Geliyê Doskî ya girêdayî navçeya Geverê ya  Colemergê bi piştevaniya pêgerên hewayî yên bê mirov bomberdûman kirin.

8’ê Îlonê saet 13.30- 16.30’an û 20.00-22.00’an de pêgerên hewayî yên bê mirov li ser Garê ya girêdayî Herêmên Parastina Medya, saet 07.00-22.00’an û 9’ê Îlonê (îro) saet 02.30-04.30’an li ser herêma Zapê geriyan.

8’ê Îlonê saet 10.30 - 12.30’an li ser herêma Xakûrkê, saet 11.00 - 13.00’an û 18.30 - 20.30’an li ser herêma Zapê tevgera balafirên şer çêbû.”