Piştî li herêma Mehlê ya gundê Kerwasê ya navçeya Licê derketina derve hat qedexekirin, li herêmê operasyona leşkerî hat destpêkirin. Welatiyên ku xwestin operasyona leşkerî bidin rawestandin û derketin derve ji hêla leşkeran ve hatin êşkencekirin. 28 kesên hatin binçavkirin sewqî edliyeyê hatin kirin. Dozgeriyê 16 kes serbest berdan û 12 kes jî bi daxwaza girtinê sewqî dadgehê kirin. Heyeta dadgehê jî bi îdiaya "Alîkariya rêxistinê kirine" der barê Ozan, Takyettin, Selim, Reşit, Resul, Mazlum, Berfin, Azad, Mercan, Azize û Veysi Kocakaya yên ji malbatekê ne û Halise Balkaş girtin û şandin Girtîgehê.