Di roja 10. a rewşa awarte de êrîşên dewleta Tirk ên li hemberî gelê Kerboranê dewam dikin. Gel li hemberî êrîşan herikî kolanan. Bi hezaran kes ji navenda navçeyê û gundan daketin kolanan û berê xwe dan taxa Safa.

Ji navenda navçeyê, ji taxên Tebebaşi, Bahçebaş û Sarayê bi hezaran kes herikîn kolanan û ber bi Taxa Safa ku êrîş lê giran e, dest bi meşê kirin.

JI GUNDAN TÊN NAVÇEYÊ

Bi hezaran kesên ji gundên derdorê jî, li gundên Deywan û Xelîlanê civiyan û tê gotin ku niha li ser rêya navenda navçeyê ne.

Li navçeyê, ji malan dengê sirûdên şoreşgerî tê. Gel hewl dide dorpêçiya li ser Taxa Safa bişikîne.