Li Cizîrê êrîşên dewleta Tirk ên li hemberî gelê Kurd di roja 10. de didome, leşker û polîsên ji ber nikarin berxwedana xwerêveberiyê bişkînin û bikevin taxan, sivîlan dikin hedef, niha jî serî li rêbazên şerê psîkolojîk didin. Polîs û leşker ên berî niha li kolanên Farqînê, bi îmzeya Tîma Esedullah ve axaftinên nijadperest nivîsandibûn, vê carê jî ji ber nikarin berxwedanê bişkînin, bikevin taxan û nivîsên xwe binivîsînin, hewl didin van nivîsana bi balafiran binivîsînin.

Balafirên şer ên li asoyê navçeyê digerin tevgerên akrobatîk dikin, bi dûmanên ji balafiran ve sê hîlalan, ala Tirkan û bi Erebî nivîsa “Xwedê” li ser asoyê Cizirê xêz dikin, faşîzma Tirk-Îslamê li ser gelê Kurd ferz dikin.

Kurdistaniyan li dijî tevgerên van balafirana wiha bertek nîşan dan: “Hûn ê nekevin kolanên me û hûn ê asoyên me jî biterikînin.”

Li navenda bajarê Şirnexê jî balafirên şer hewl dan sê hîlalan ku sembola senteza Tirk-Îslamê ye, xêz bikin.

Gel li dijî van tevgerên faşîzan bertekan nîşan dide.