Civîna desteya Wezîrên Herêma Kurdistanê ya îro li Hewlêrê hat lidarxistin bi dawî bû. Hat ragihandin ku di civînê de desteya wezareta hikûmeta Herêma Kurdistanê biryar daye her 30 rojan carekê mûçeyên karmendan bidin.
Desteya Wezîrên Herêma Kurdistanê îro li Hewlêrê bi beşdarbûna Waliyê Silêmanî, Dihok û Hewlêrê li ser mijara kêmkirina mûçeyên karmendan, kêmkirina wezîran û krîza aborî ya Herêma Kurdistanê li Hewlêrê civiyan.
Hat ragihandin ku di civîna îro ya desteya wezîrên hikûmeta Herêma Kurdistanê de ev biryarên jêr hatine dayîn;
1- Mûçeyên karmend û berpirsên payebilind ji sedî 15 heta 75’an bê kêmkirin.
2- Wê tenê mûçeyên wezareta pêşmerge, hêzên polîs û hêzên parastinê neyê kêmkirin.
3- Wê hefteya bê mûçeyê meha Çile bê dayîn. Mûçeyên 4 mehên sala 2015'an li gel hikûmetê deyn bimîne.
4- Wê pereyê xwendevan didin zanîngeh, peymangeh û dibistanên dayikê bê kêmkirin.
5- Pereyê derman û dermanxaneyan wê bê kêmkirin.
6. Wê her 30 rojan carekê mûçe bê dayîn.
