Êrîşên qirkirinê yên çeteyên Qesrê li Şirnexê dewam dikin. Çete ji aliyekî de bajar bombe dikin ji aliyê din jî bi teqemeniyan mal û kargehan hildiweşinin.

Êrîşên qirkirinê yên çeteyên Qesrê yên li Şirnexê di roja 58. de bi bomberdûmana li hember bajêr dewam dikin. Bomberdûmana li hember taxên Bahçelîevler, Yenî, Cûmhûriyet û Îsmetpaşayê dijwar dibin. Li gelek nuqteyên bajêr şerên dijwar diqewimin. Ji cihên ku bi tank, top û obusan tên bomberdûmankirin dûman bilind dibin.

Hat dîtin ku çeteyên Qesrê li Karayollari Bakim a dikeve navbera Taxên Bahçelîevler û Yenî de teqemeniyan di malan de bi cih dikin û diteqînin. Hêzên çekdar ên Qesrê derdora emniyeta kevin û Karayollari Bakim, herêma derdora Hekîmevî ya ku wek baregehê bi kar tînin, teqemeniyan li gelek mal û kargehan bi cih dikin û diteqînin.

Li gelek nuqteyên bajêr di navbera hêzên YPS/YPS-JIN’ê û çeteyên Qesrê de şerên dijwar diqewimin.