Ji bo veşartina cenazeyên şervanên Hesekêyî Rûken Oso (Rûken Mêrxas), Rojîn Elî (Arîn Mîrkan), Ednan Xilêf (Kemal Hesekê) û Mihemed Mihemed (Agirî Reşo) ên di pêngava rizgarkirina Minbicê de jiyana xwe ji dest dan, girseya gel li ber Meclîsa Malbatên Şehîdan a Hesekê li hev civiya.

Girseya cenazeyên her çar şervanan ji navenda Saziya Malbatên Şehîdan wergert û bi karwanek ji sedan wesayîtî ku bi wêneyên her çar têkoşeran hatibûn xemilandin bir Şehîdgeha Şehîd Dijwar a li gundê Dawidiyê.

Li dû deqeyeke rêzgirtinê û merasîma leşkerî ya li Şehîdgehê, li ser navê Meclîsa Malbatên Şehîdan a Hesekê Zubeyda Bîco peyivî û got, "Bi saya şehîdên xwe em li herêmên ewle û aram dijîn. Destketiyên me yên îro bi fedekarî û berxwedana şehîdan bi dest ketin."

Ji rêveberên TEV-DEM'ê Cahîd Hesen jî banga mezinkirina yekîtî û têkoşînê kir.

Piştî axaftinan nasnameyên her çar şervanan hatin xwendin. Girseya gel sersaxî ji malbatên şervanan re xwest.

Girseya gel darbestên şervanan hilgirt ser milan û li ber tilîliyên dayikan spartin axê.

NASNAMEYÊN ŞERVANAN

Nasnameyên şervanên jiyana xwe ji dest dan bi vî rengî ne:

Nasnameyên şehîdan wiha ne:

Nasnav: Rûken Mêrxas
Nav paşnav: Rûken Oso
Navê dayikê: Zerga
Navê bav: Ebdulxenî
Cihê jidayikbûnê Hesekê
Dîroka tevlîbûnê: Hesekê 2015
Dîroka şehadetê: Minbic 13-7-2016

Nasnav: Rojîn Elî
Navê Rast: Arîn Mîrkan
Navê dayikê: Xada
Navê bav: Ebdulkerîm
Cihê jidayikbûnê: Hesekê
Cih û dîroka tevlîbûnê: Hesekê 2015
Cih û dîroka şehadetê: Minbic 13-7-2016

Nasnav: Kemal Hesekê
Nav paşnav: Ednan Xilêf
Cihê jidayikbûnê: Hesekê
Navê dayikê: Dela
Navê bav: Dehan
Cih û dîroka tevlîbûnê: Qamişlo 2015
Cih û dîroka şehadetê: Minbic 11-7-2016

Nasnav: Mihemed Mihemed
Nav paşnav: Agirî Reşo
Cihê jidayikbûnê: Hesekê
Navê dayikê:Necah
Navê bav: Newaf
Cih û dîroka tevlîbûnê: Hesekê 2013
Cih û dîroka şehdatê: Minbic 9-7-2016