Navenda Çapemenî û Ragihandinê ya HPG’ê têkîldarî êrîş û tevgera hewayî ya artêşa Tirk daxuyaniyek nivîskî weşand.

HPG’ê diyar kir ku li dijî Herêmên Parastinê yên Medyayê bomberdûman didomin, wiha berdewam kir: “24’ê Kanûnê saet 12.00-13.00’an qereqola Elemûn a li xeta sînorê herêma Metîna ya ji Herêmên me yên Parastinê yên Medyayê; qada girê Zendûra, saet 19.00-20.00’an qereqola Tepê Sor; qadên Tepê Şehîd Şoreş û Tepê Hakkarî, saet 20.00-22.00’an qereqola Arûş; qada Şehîd Dîlber bi obus, hawan û tankan bomberdûman kir.
24’ê Kanûnê saet 07.00-08.00’an û 10.00-11.30’an qereqola Êrîş a li xeta sînorê herêma Zapê; qada Xeregol û girê Cehennem da ber obus û hawanan.”

HPG’ê daxuyaniya xwe wiha domand:

“24’ê Kanûnê saet 14.00-14.30’an li dijî leşkerên TC ên ku hewl dan li qadên Şehîd Zerdeşt û Şehîd Rahîmê yên li xeta sînorê qada Oremar a girêdayî navçeya Gever a Colemêrgê çeperan çêkin, çalakî hat lidarxistin. Di vê çalakiyê de hejmara leşkerên mirî û birîndar nehatin zelalkirin.

24’ê Kanûnê saet 11.00-13.30’an li ser herêma Xakûrkê, saet 13.30-19.00’an li ser herêma Heftanînê, saet 19.00-20.00’an li ser herêma Metîna, saet di navbera 19.00 û 25’ê Kanûnê (îro) 10.00’an li ser herêma Zapê, pêgerên hewayî yên keşfê geriyan. Her wiha 24’ê Kanûnê saet 17.00-18.00’an li ser herêma Zapê tevgera balafirên şer çêbû.”