Kurdistaniyên li bajarê Swêd Ûppsala dijîn, li dijî êrîşên dewleta Tirk ên li hemberî daxwaza Xweseriya Demokratîk, destek da berxwedanên xwerêveberiyê yên li Silopiya, Cizîr, Nisêbîn, Sûr û Kerboranê.
Kurdistaniyên li bajarê Swêd Ûppsala dijîn, li dijî êrîşên dewleta Tirk ên li hemberî daxwaza Xweseriya Demokratîk, destek da berxwedanên xwerêveberiyê yên li Silopiya, Cizîr, Nisêbîn, Sûr û Kerboranê.
Li ser banga Navenda Civaka Demokratîk a Kurd li Ûpptalal, bi qasî 500 Kurdistaniyên ji çar parçeyên Kurdistanê li hev civiyan û çalakî lidar xistin. Siyasetmedarên Kurd û nûnerên rêxistinên civakî yên sivîl di axaftina li vê derê de hikûmeta AKP'e yên li bajarên Kurdan komkujiyê dike û Yekîtiya Ewropa ya çavên xwe li AKP'ê digire, şermezar kirin. Qisekeran bang li raya giştî ya demokratîk û tevahiya Kurdan kir ku piştgiriyê bidin gelê Kurd ê li be xwe dide û çalakiyên xwe di vî warî de zêde bikin.
Siyasetmedarê Kurd Mûstafa Sarikaya diyar kir ku AKP û Erdogan ên vîna gel a di hilbijartinên 7'ê Hezîranê de derket holê qebûl nekirin, li dijî gelê Kurd şer îlan kirin, bi vî rengî dengên nîjadperestan wergirtin û piştî 1'ê Mijdarê şer girantir kirin.
Sarikaya da xuyakirin ku gelê Kurd li hemberî darbeya AKP'ê ji bo nasname û mafên xwe dest bi berxwedanê kiriye û ragihand, ku divê gelê Kurd li hemberî dewleta Tirk a dest bi êrîşa topyekûn kiriye, bi hev re li ber xwe bide.
Di çalakiyê de hunermendên Kurd Kawa Ûrmiye, Serhado, Evîn Dilşad, Beytocan û Berfo Kurdê derketin ser dikê. Kurdistaniyan berxwedanên Rojava û Bakurê Kurdistanê silav kirin.
