Konseya Civaka Kurdê Demokratîk a Hollanda ji bo mîtînga sibehê li Amsterdam Beûrspleîn a ji bo protestokirina terora dewleta Tirk a li ser Kurdistanê banga tevlîbûnê kir. 

Di daxuyaniyê de wiha hat gotin: “Bi armanca protestokirina êrîşên faşîst ên topyekun ên AKP’ê yên li ser îlanên xwerêveberiyên gelê Kurd û qîrkirina piştgiriya xwe ya bi têkoşîna xwerêveberiyê ya gelê Kurd, em banga tevlîbûna meş û mîtînga sibehê saet 12.00’an a li Amsterdam Beûrspleînê dikin.”

Her wiha Komîteya Amadekar jî da xuyakirin ku wê ji bo çalakiyê ji pêşiya navendên civaka Kurd wesayît û otobus rabin. Otobusa li Den Haagê wê sibehê saet 11.00’an bi rê keve.