Balafirên şer ên Tirk, şeva 7’ê Îlonê bi 8’ê Îlonê ve girêda dide Herêmên Parastinê yên Medya bombe kirin. Navenda Ragihandin û Çapemeniyê ya HPG’ê diyar kir ku balafirên şer ji duh şev heta vê sibê Herêmên Parastinê yên Medya bombe kirine.

Navenda Ragihandin û Çapemeniyê ya HPG’ê destnîşan kir ku li hember Heftanîn, Gundê Ebubekira, Gundê Bettal, Gundê Komuta, Kalatuka, Casusa û Pirêdê yên girêdayî Qendîl, Koma Sor a girêdayî Xinêre, Mergêverê û Şehîd Bêrîtan ên girêdayî Xakurkê, Ergenê, Kanî Kontra, gundê Yekmal, gundê Çemşert, qadên Meyrokêve Cemrêbotkî yên girêdayî Garê, Garêya Mezin a Vernîve Xabûr a girêdayî Metîna bomberdûman pêk hatiye. Navenda Ragihandin û Çapemeniyê ya HPG’ê ev xisûs diyar kir: “Ji şeva 7 – 8 Îlonê saet 00.00 heta saetên vê sibehê  05.00’an balafirên şer ên artêşa TC qada Şehîdlîk a girêdayî Heftanîn bi awayekî zêde hatine bombe kirin. Hikûmeta AKP’ê ya bi bomberdûmanan encameke cidî bi dest nexist, piştî êrîşên deverên gel lê dijîn niha jî şehîdgehên gerîlayên me yên di têkoşîna azadiya Kurdistanê de gihiştine şehadetê lê ne dike hedef.

Saet di navbera 23.00 - 04.30’î de Gundê Ebubekira, Gundê Bettal, Gundê Komuta,  Kalatuka, Casusa û Pirêdê balafirên şer bombe kirine.

Saet di navbera 01.00 - 04.00’an de balafirên şer Koma Sor a girêdayî Xinêre, qadên Şehîd  Bêrîtan û Mergêverê yên girêdayî Xakurkê bombe kirine.

Saet di navbera 00.00 - 06.00’an de Ergenê, Kanî Kontra, gundê Yekmal, gundê Çemşerît, Meyrokêve Cemrêbotkî  ji aliyê balafirên şer ve hatine bombe kirin.

Balafirên şer saet di navbera  05.00 - 05.30’î de qada Vernîve Xabûr a girêdayî Metîna bombe kirine.

7’ê Îlonê di saet navbera 08.00-08.30’an de balafirên şer Garê ya Mezin ya girêdayî herêma Zapê hat bomberdûmankirin.

7’ê Îlonê di saet navbera 13.00-13.30’an de balafirên şer Girê Şehîd Afad ê girêdayî herêma Avaşîn a Herêmên Parastina Medya bomberdûman kirin. Dîsa vê sibê saet ji 03.00’an heta 06.00’an balafirên şer qada Tabûra Ereba bombebaran kirin.

QEREQOLÊN ŞEMZÎNANÊ BI OBUS Û HEWANAN ÊRÎŞ KIRIN

8’ê Îlonê saet 06.00 - 07.30’an qereqolên Rûbarok û Garê yên girêdayî navçeya Şemzînan a Colemergê Girê Karker, Girê Sîro, herêmên Ermûş, Mergêverê û derdora Şehîdgeha Şehîd Berîtan bi hewan û obusan bomberdûman kirin.

7’ê Îlonê saet 19.30 - 20.30’an qereqola Arûşê ya li xeta sînorê herêma Metîna, qadên Kurêşîno û Dûav bi obus û hewanan bomberdûman kirin. Saet 21.30-22.30’an qereqola Serbesta herêma Kurêşîno bi tankan bomberdûman kir.”

TABÛRA GOLEYÊ BI TANK Û HEWANAN ÊRÎŞ BIR SER DARISTANA ŞEHÎD SÎDAR

HPG’ê diyar kir ku 7’ê Îlonê saet 13.00-13.30’an qereqola Bîlîcanê herêma Garêya Biçûk; saet 13.30-16.30’an qereqola Êrîş qûntarê Xeregol û herêma Dola 82’an; saet 16.00-16.30’an qereqola Şker herêma Latê Kewa bi obus, hewan û tankan bomberdûman kir û wiha domand: “8’ê Îlonê saet 03.00-04.00’an Tabûra Gole ya girêdayî bajarokê Golan ê navçeya Çankaya ya Erdexanê, daristana Şehîd Sîdar a girêdayî Çankayayê bi tank û hewanan bomberdûman kir.

7’ê Îlonê saet 19.20-22.10’an qereqola Yekmalê ya girêdayî navçeya Qilaban a Şirnexê herêma Bektorya bi hewan û obusan bomberdûman kir. Heman herêm bi hewanan 8’ê Îlonê saet danê sibê 06.30’an dîsa hat bomberdûmankirin.

LI SER XETA SÎNOR A AVAŞÎNÊ ÊRÎŞA BI TANK, OBUS Û HEWANAN

7’ê Îlonê saet di navbera 18.30 û 19.30’î de ji qereqola Grana ya li ser sînorê Avaşîn qûntarên Mêrgê, Dola Zeytê û Tepê Xwedê bi tank, top û hawanan hatine bombekirin. 7’ê Îlonê saet di navbera 21.30 û 22.00 de, dîsa îro di navbera saet 06.50 û 07.10 de ji qereqola Grana; qada Grana bi tank, obus û hawanan hatiye bombekirin. 8’ê Îlonê (îro) saet di navbera 06.50 û 07.10 de ji tepê Sîvrî yê girêdayî qereqola Bezelê qadên Tabûra Ereba û Tepê Sor bi tank, obus û hawanan hatine bombekirin.

Di navbera 7’ê Îlonê saet 20.00 - 23.00 û 8’ê Îlonê saet 05.00 - 10.00’an de li herêma Xakurkê, 7’ê Îlonê saet 21.00 - 00.00 de li ser herêma Metîna pêgerên hewayî yên bê mirov keşf pêk anîne.

7’ê Îlonê li ser herêma Avaşîn ji sibehê saet 08.30 heta piştî nîvro saet 14.00’an tevgera balafirên şer rû daye. Êvarî ji saet 19.30 heta îro piştî nîvro pêgerên hewayî yên bê mirov geriyane. Tevgera balafirên şer ji saet 23.00’an heta îro saet 06.00 dewam kiriye.

7’ê Îlonê saet di navbera 16.00 û 17.00’an de li ser qada Gilîdag tevgera balafirên şer rû daye.”