Meclîsa Gel a bajarê Amûdê bi armanca piştgiriya berxwedana gelê Bakurê Kurdistanê, li Amûdê meşeke organîze kir.

Bi hezaran welatiyên Amûdê,  Hesekê û tevahiya bajarên Kantona Cizîrê,  beşdarî meşê bûn.

Welatiyan alên YPG/YPJ’ê, TEV-DEM’ê,  Yekîtiya Star û wêneyên şervanan YPG/YPJ’ê rakirin,  her wiha pankartên,  ‘Bêyî Kurdan çareserî nabe, bêyî MSD’ ê Cenevre  bi ser nakeve’ vekirin û  li pêşiya  navenda Yekîtiya Ciwanên Rojava kom bûn. Ji vir bi berzkirina dirûşmeyên, “Bijî Berxwedana Bakur” û “Bijî Berxwedana YPG, YPJ û YPS’ê”, dest bi meşê kirin û ber bi Qada Jina Azad ve bi rê ketin.

Piştî ku meşvan gihiştin Qadê, bername bi rêzgirtinê destpê kir. Piştre li ser navê Meclîsa Gel a bajarê Amûdê,  PYD’ê,  Rêxistina Yekîtiya Star,  Meclîsa Biratiya Gelan a bajarê Hesekê,  axaftin hatin kirin.

Axaftvanan dûrxistina Kurdan ji hevdîtinên  Cenevre-3 şermezar kirin. Her wiha berxwedana Gelê Bakurê Kurdistanê ya li hember faşîzma dewleta Tirk jî, silav kirin.

Meş bi dirûşmeyan bi dawî bû.