Federasyona Karkerên Penaber ên Elmanya (AGÎF) ji bo meşa sibehê (26’ê Kanûnê) ya ji bo protestokirina qetlîamên AKP’ê yên li ser Kurdistanê ya li bajarê Dusseldorf ê Elmanya bê lidarxistin banga tevlîbûnê kir.

Di daxuyaniya nivîskî de AGÎF wiha got: “Qetlîamên li bajarên Kurdistanê yên bi hefteyan e ji aliyê qatilên bi unîforma yên girêdayî AKP’e û Qesrê pêk tên her diçe zêdetir dibin. Mirov dema ji bo cenazeyên bigirin li kolanan tên hedefgirtin, di bodrûmên malan de asê dimînin, zarok, pîr bi birçîbûnê re têdikoşin û gelê bûyerên din bi awayekî aşkera şerê didome nîşan dide. Li milekî bi hezeran leşker û tîmên taybet ên ti cudahiya wan ji qatilên psîkopat tinene, li milê din jî ji biçûk heta mezin gelê Kurd tevî birçîbûn û bê derfetiyê jî kêliyekê dest ji berxwedanê bernade, datîne holê ku gelekî bi mafdariya xwe bawer wê ti hêz nikaribe pê.

JI BO MEŞÊ BANG

AGÎF bi tevlîbûna meş û mîtînga 26’ê Kanûnê roja Şemiyê ya wê li pêşiya Dusseldorf HBF di saat 12.00’an de destpêbike ve banga ji nû ve nîşandana ruhê piştevaniyê ya di berxwedana Kobanê de kir.