Agahî ji rêveberê DBP'ê Hurşît Kulter ê hat gotin binçavkirî ye, nayê girtin. Ji hesabekî tîmê taybet ê medya civakî hat ragihandin, ku Kulter hatiye binçavkirin. Malbatê işaret bi xeteriya înfazê kir û banga lezgîn kir.

Ji rêveberê DBP'ê yê Bajarê Şirnexê Hurşît Kulter ê hat gotin binçavkiriye, agahî nayê wergirtin. Duh êvarê di hesabekî medya civakî yê tîmê taybet ê bi navê "BOF @Tweet_Guneydoğu" de wêneyê Kulter hat parvekirin. Piştî demekê ev mesaj û wêne hatin jêbirin û hesab jî hat rakirin.

Parêzer û wekîlên HDP'yî ketin nava tevgerê lê belê Midûriyeta Emniyeta Tirk a li Şirnexê binçavkirina Kulter qebûl nakin. Parêzeran serî li Dozgeriya Komarê jî dan, lê ji wir jî encamek bi dest nexistin.

Malbata Kulter işaret bi xeteriya înfazê kir û banga lezgîn li raya giştî kir.