Sendîkaya Yekîtiya Mamostayên Rojhilatê Kurdistanê bi boneya nêzîkbûna 21’ê Sibatê Roja Zimanê Dayîkê ya Cîhanî daxuyaniyek belav kir.

Daxuyanî wiha ye:

“Gelê Kurd li Rojhilatê Kurdistanê ji bo parastina ziman û nasnameya xwe ya neteweyî sed sale li dijî rejîma Îranê li ber xwe dide, rejîmek ku tenê di hêza zordariyê de hebûna xwe dibîne.

Mamosta û çalakvanên mafên mirovan beşek girîng ya têkoşerên rêya rizgariya Kurdistanê ne û rû bi rû yê rejîma dagirker a ku dixwaze yek çand û yek zimanê li ser civakê ferz bike.

Em hemû kiryarên nemirovane yên rayedarên Îranê yên derbarê sînordarkirin û tunekirina zimanê Kurdî de şermezar dikin û li ser mîsogerkirina perwerdeya bi zimanê dayîkê bi israrin. Ango emê li hemû dibistanên Rojhilatê Kurdistanê waneya Zimanê Kurdî bidin. Em bi ciwanên ku xwe ji bo ziman û nasnameya gelê xwe berpirsiyar dibînin jî serbilindin.”