Li Silêmaniyê jinek hate qetilkirin
Li taxa Sêtiwanî ya Silêmaniyê, di Sîteya Gulî Şar de jineke 41 salî ya xelka Rojhilatê Kurdistanê hate qetilkirin. Nasnameya jinê hîn nehatiye eşkere kirin.
Polîsên Silêmaniyê ragihandin ku wan cenazeyê jinekê ditiye ku 4 şopên guleyan li ser laşê wê hene. Hate zanîn ku jin çûye serdanekê û piştî dengê çekan cenazeyê wê hatiye dîtin; êrişkar jî ji cihê bûyerê reviyaye. Derbarê êrişkarê ku nasnameya wî nehatiye eşkerekirin de biryara girtinê hate derxistin.
Cenazeyê jinê rakirin Saziya Bijîşkiya Dadî ya Silêmaniyê.
