Li Bexdayê di çarçoveya çalakiyên pêngava 16’rojî ya têkoşîna li dijî tundiya li ser jinan de, ji aliyê Hevgirtina NADA’yê ve bi beşdariya rêxistin û torên jinan ên navxweyî û herêmî xwepêşandanek hat lidarxistin.
Bi destpêkirina çalakiyên pêngava 16 rojî yên têkoşîna li dijî tundiya li ser jinan, Hevgirtina NADA’yê li Iraqê bi rêxistin û torên jinan ên navxweyî û herêmê re, duh li navenda Bexdayê, xwepêşandanek li dar xist. Armanca xwepêşandanê balkişandina ser şêwazên tundiya li dijî jinan bû û daxwaz kirin ku demildest zagonên mafên jinan diparêzin werin sererastkirin.
Beşdaran daxwaz kirin ku guherîna di Zagona Rewşa Kesî de hatiye kirin, werin rakirin û zagonên pêşîlêgirtina tundiya malbatê werin derxistin. Destnîşan kirin ku divê demildest zagonên parastina mafên jinan û zarokan dikin, werin sererastkirin û ji bo aramiya malbatên Iraqê xebat bên kirin. Beşdaran dirûşme berz kirin û tundiya li hemberî jinan şermezar kirin.
Hêjayî gotinê ye ku pêngava navneteweyî ji bo pêşîlêgirtina tundiya li dijî jinan a 16 rojan ji 25’ê Mijdarê heta 10’ê Kanûnê roja Cîhanî ya Mafê Mirovan dê bidome. Pêngava Îsal bi dirûşma ‘Ji bo bidawîanîna tundiya dîjîlat li dijî hemû jin û zarokên keç hev bigrin’ bal kişand ser pêwistiya pêşîgirtina şêwazên tundiyê dîjîtal.
