Bi wesîleya 17’ê Cotmeha 2017’an salvegera rizgarkirina Reqayê, Kurdên Moskowayê û dostên wan li Mala Gel hatin cem hev.

Di çalakiyê de belgefîlmek li ser rizgarkirina Reqayê hate nîşandan.

Belgefîlm ji aliyê rojnamevan û derhênera Rûs Anastasiya Trofimova ve piştî rizgarkirina bajêr hat amadekirin.

Anastasiya ku beşdarî çalakiyê bû, bîranînên xwe yên pêngava azadiyê vegot û anî ziman ku di vê fîlmê de diyalog û jiyana rojane ya fermandar û şervanên YPG û YPJ'ê ku gelek ji wan şehîd bûne nîşan daye.

Anastasiya diyar kir ku fîlma "Rêwîtiya Reqayê" heta niha sêyemîn fîlmê wê ye û got ku ew têkoşîna rizgarkirina Reqayê gav bi gav şopandiye.

Anastasiya bal kişand ser rola şervanên YPJ'ê ya di rizgarkirina Rojava û Bakurê Rojhilatê Sûriyeyê de û got, ev şer bi saya têkoşîna jinan a li eniyên şer bi ser ketiye.

Di çalakiyê de Hevseroka Otonomiya Federal a Netewî-Çand a Kurdên Federasyona Rûsyayê Doktor Lîana Smoî û Hevseroka Meclîsa Kurd a Moskovayê Eka Kulîxan jî axaftin kirin.

Herdu axaftvanan bal kişandin ser girîngî û rola Şoreşa Rojava di Têkoşîna Rizgariya Neteweyî ya Kurd de.