Konseya Kurd a Demokratîk a Swîsreyê (CDK-S) û Yekîtiya Jinên Kurd a Swîsreyê (YJK-S), banga tevlêbûna çalakiya rûniştinê ya ji bo xwestina “mafê hêviyê“ yê ku wê di navbera 10-13’ê Cotmehê li bajarê Strasboûrg ê Fransayê bê lidarxistin kir.

Daxuyaniya ku ji aliyê Hevserokên CDK-S’ê Îsmaîl Kardaş û Selma Surer ve hat dayîn, wiha ye:

“Bi ketina sala 24’emîn a Komploya Navneteweyî ya li Rêbertiya me hat kirin re, xwestin ku bi komployê Rêbertiya me û di şexsê wî de gelê Kurd û yên cîhanê bênefes û têkoşîn bihêlin.

Di serî de gelê Kurd, hemû kedkar û bindestên cîhanê ev pêvajo qebûl nekir û wê nekin. Ev komplo bi qismî hatibe pûçkirin jî em azadiya Rêbertiya xwe dikin esas û li berxwedana xwe dewam dikin. Di rûniştinên ku wê 10’ê Cotmehê li Konseya Ewropayê bên kirin de, ji bo ragihandina daxwaza mafê hêviyê yê Rêbertiya xwe, em ê dest bi çalakiya rûniştinê bikin. Mafê hêviyê ku di hiqûqa cîhanê de cihê xwe heye, ji bo ku di şexsê Rêbertiya me ji bo hemû girtiyan pêk bê em ê bang bikin. Di vê çarçoveyê de, di serî de Kurdistaniyan li Swîsreyê dijîn em hemû dostên xwe vedixwînin ku tev li çalakiya me ya em e 10’ê Cotmehê li Strasboûrgê li dar bixin, bibin. Bi vê çalakiya ku em ê li dar bixin, ji bo em bibin deng ji dengê Rêbertiya xwe û li dijî komploya navneteweyî huqûqa navnetweyî bi cih bê anîn em ê bang bikin.“