Cîgirên Serokê Koma BDP'ê Pervîn Bûldan, Îdrîs Balûken û Parlamenterê HDP'ê Sirri Sureyya Onder dê dawiya vê hefteyê biçin Îmraliyê û bi Rêberê Gelê Kurd Abdullah Ocalan re hevdîtinê bikin.

Cîgirên Serokê Koma BDP'ê Pervîn Bûldan, Îdrîs Balûken û Alîkarê Hevserokên HDP'ê yê ji Pêvajoya Muzakere û Çareseriyê Berpirsyar Sirri Sureyya Onder, dê dawiya vê hefteyê biçin Îmraliyê û bi Rêberê Gelê Kurd Abdullah Ocalan re hevdîtinê bikin.

Bûldan agahî da ANF'ê û diyar kir ku hevdîtin dê bi îhtimaleke mezin dawiya vê hefteyê pêk were û got, "Di heyeta me de ji bilî min, Birêz Onder û Birêz Balûken dê cih bigirin."

Parlamenter Sirri Sureyya Onder, li dû berxwedana Gezî ji heyetê hatibû derxistin.

Onder beriya demeke kurt, wezîfeya Alîkarê Hevserokên Partiya Demokratîk a Gelan (HDP) ya ji Muzakere û Pêvajoya Çareseriyê girtibû ser milê xwe.