Ji ber darvekirinan rejîma Îranê li Helsînkî li ber avahiya parlamentê bi çalakiyeke girseyî hat şermezarkirin.

Bi pêşengiya Partiya Jiyana Azad a Kurdistanê (PJAK) li dijî darvekirinên girtiyên siyasî û mûxalîfên li Îranê, duh li paytexta Fînlandiya Helsînkî bi beşdariya bi sedan kesî ji navenda bajêr meşek hat lidarxistin. Girseya gel li dû meşê li ber avahiya parlamentê kom bû û daxuyaniyek da.

Li ser navê Rêxistina Ewropa ya PJAK'ê Ehwen Chiyako daxuyanî da û polîtîkayên darvekirinê yên rejîma Îranê şermrezar kir. Chiyako bal kişand ser bêdengiya dewletên navneteweyî yên li hemberî vê yekê, ji wan xwest helwesteke zelal nîşan bide û got, "Gelê Kurd li dijî darvekirin û qirkirinê ti carî bêdeng nema û wê ji niha û şûn de jî bê bersiv nemîne.”

Nûnerê PJAK'ê da xuyakirin, ku Komara Îslamî ya Îran bi israra li ser siyaseta çewsandin û tinekirina vîna azad a gelê Kurd û azadîxwazên li Îranê dest bi pêleke nû ya girtin, azar, îşkence û sêdarê kiriye.

Di çalakiyê de li dengê girtiyê siyasî yê Kurd Hebîbûlllah Gulperîpûr ê di 26'ê Cotmehê de hat darevkirin, hat guhdarîkirin û dengê wî girse xemgîn kir.

Di çalakiyê de her wiha dosyayek ji aliyê PJAK'ê ve li ser mijarê hatibû amadekirin, ji aliyê heyetek ji 3 kesan ve pêşkêşî koma mafên mirovan a parlamentê hat kirin.