Di anketên dawî yên beriya hilbijartinên li Awûstûryayê de derket holê, ku her yek ji sê hilbijêrên Awûstûryayî deng dide partiya FPO ya nîjadperest. Rêjeya giştî ya dengên hevalbendên desthilatdariyê jî ji sedî 45 e.
Li gorî anketa ji aliyê şîrketa bi navê Unique ve hat çêkirin, di hilbijartinên giştî de wê Partiya Azadiyan a Awûstûryayê (FPO) ya nîjadperest, wê bi rêjeya ji sedî 33'an bibe partiya yekemîn. Li gorî anketê, Partiya Sosyal Demokrat (SPO) a ku Serokwezîr Chrîstîan Kern endamê wê ye, ji sedî 26 û hevalbendê desthilatdariyê Partiya Gel a Awûstûryayê (OVP) jî ji sedî 21 ê dengan werdigire.
Di anketê de hat ragihandin, dengê Partiya Keskan ji sedî 12, tevgera NEOS a lîberal jî ji sedî 7 ê dengan bi dest dixe.
Li gorî anketa ji aliyê SORA ve hat kirin, FPO ji sedî 34, SPO ji sedî 28, OVP ji sedî 18, Kesk ji sedî 14 û NEOS jî ji sedî 4 ê dengan distîne.
Di anketan de tê dîtin, ku piştî Serokwezîr Chrîstîan Kern hatiye ser kar, rêjeya dengê SPO zêde bûye û hevparê desthilatdariyê OVP qels bûye. OVP a ku li dijî penaberan daxuyaniyên tund dide, gelek hilbijêr ji dest berdaye û tê gotin, van hilbijêran berê xwe dane FPO.
Di hilbijartinên giştî yên dawî yên sala 2013'an de SPO ji sedî 27, OVP ji sedî 24 û partiya tund arastgir FPO jî ji sedî 20,5 ê dengan standibûn.
