HPG'ê da xuyakirin ku artêşa Tirk li Amedê derketiye operasyonê, li Qaxizmanê jî kemîn daniye.

Navenda Çapemenî û Ragihandinê ya HPG'ê da xuyakirin ku artêşa Tirk bi helîkopterên kobra li derdora herêma Akdag a Amedê û qadên Mişke, Xeylan û Geliyê Heydan ên ser bi navçeya Çewlik Dara Hênê derketiye operasyonê. Di daxuyaniya li ser mijarê de ev agahî hat dayîn:

"Di 7'ê Mijdarê saet li dora 06:00 de artêşa TC a dagirker, li herêma Akdag a Amedê û derdora qadên Mişke, Xeylan û Geliyê Heydan ê Dara Hênê bi helîkopterên kobra derketiye operasyonê. Operasyon heman rojê saet di 15:00 de bi bêencam bi dawî bûye.

di 9 û 11'ê Mijdarê de li ser rêya Kapason a navçeya Qers Qaxizmanê artêşa TC a dagirker, bi taybetî êvarê kemîn daniye. Her wiha li vê derdorê li ser rê kontrolên tund tên kirin.

Di 11 û 12'ê Mijdarê saet di 23:00 û 03:00 de balafirên bê mirov ên artêşa TC a dagirker li ser qada Heftanîn a Herêmên Parastinê yên Medyayê û ji saet 23:00 heta 11:00 li herêma Gare keşif kirine."