Artêşa Iraqê bajarokê Giyara ji çeteyan stand
Artêşa Iraqê piştî operasyona ku danê sibehê dabû destpêkirin, bajarokê Giyara yê girêdayî navçeya Mexmûrê bi temamî ji çeteyan stand.
Piştî Giyara ji çeteyên DAÎŞ’ê hate girtin, hêzên girêdayî artêşê li gundên girêdayî bajarok operasyonên xwe didomînin.
Balafirên Koalîsyonê jî destekê didin operasyona yekîneyên artêşa Iraqê.
Di daxuyaniyê de ku têkîldarî operasyonê hate dayîn, hate ragihandin ku li Giyarayê 8 sivîlan jiyana xwe ji dest dane, 15 jî birîndar bûne, 25 cenazeyên çeteyan jî li qada şer mane.
