Li gorî nûçeya New York Times’ê, ji ber ku Îranê derbarê pozîsyonên muzakereyê yên DYA’yê de gava pêwîst neavêt, serdana JD Vance ya ku dihat payîn ber bi Îslamabadê ve pêk bê, hat betalkirin.

Rayedarekî Amerîkî ji saziya nûçeyan re ragihand ku serdana ku biryar bû roja sêşemê dest pê bike, ji ber ku Îranê şertên Washingtonê bi cih neanîne, hatiye rawestandin.

Heman rayedarî diyar kir ku heke Îran van şertan bi cih bîne, dibe ku serdan careke din bikeve rojevê. Her wiha hat destnîşankirin ku Qesra Spî ji Tehranê li benda nîşanekê ye ku nîşan bide ew amade ne di pêvajoya muzakereyê de peymanekê îmze bikin.