Rejîma Îranê bi îdîaya ku endamê Mucahîtên Gel e Babak Elipur (33) û Puya Gobadi Bistuni (34) serê sibehê darve kir.

Darvekirin di demeke welê de hate kirin ku ji derve ve Îsraîl û DYE êrişî Îranê dikin, li hundir jî polîtîkayên zext û darvekirinê zêde bûye.

Derçûyê hiqûqê Babak Elipur û endezyarê elektrîkê Puya Gobadi Bistuni bi sûcdariyên siyasî hatibûn darizandin û cezayê darvekirinê li wan hatibû birîn.

Li gorî parêzvanên mafên mirovan di dema binçavkirin, lêpirsîn û ragirtinê de êşkence, sewqa bi zorê û tecrîd li herdu girtiyan hatibû ferzkirin.