Rêveberiya Îstîxbarata Leşkerî ya Iraqê têkildarî girtina 5 çeteyên DAÎŞ’ê, daxuyaniyek belav kir.

Di daxuyaniyê de hat destnîşankirin ku hêzên girêdayî beşên îstîxbarat û ewlehiyê yên firqeyên 1, 8, 14 û firqeya 23’yan a lîwayên taybet, karîne 5 çeteyên DAÎŞ’ê li parêzgehên Diyala, Kerkûk û Nînowayê bigrin.

Hate diyarkirin ku ji bo van çeteyan berê di çarçoveya xala 4’an a terorê de fermana girtinê hatibû derxistin. Her wiha hat ragihandin ku ev çete hemû radestî aliyên peywendîdar hatine kirin.