Serokkomarê Iraqê Nizar Amêdî bi boneya 38’emîn salvegera komkujiya Enfalê daxuyaniyek belav kir. Nizar Amêdî got, ‘‘Di karesatê de zêdetirî 182 hezar zarok, mêr û jinên kal ên gelê Kurd bûne qurbanî. Ev komkujî yek ji tawanên herî hovane yên qirkirinê ya di dîroka nûjen de ye û birînên wê yên bi êş hîn jî di wijdanê mirovahiyê de mane.’’

Serokkomar ji hikumeta federal û Herêma Kurdistanê xwest ku hewldanên ji bo lêgerîna rûfatên hemû şehîdan di gorên komî de û vegerandina wan bo xizmên wan zêde bikin.

Di dewama daxuyaniyê de hate xwestin tezmînata mirovî û madî ji bo malbatên qurbaniyan were dayîn û hate gotin, ‘‘Divê herêmên ji Enfalê bandor bûne, jinûve werin avakirin.’’