Rêxistina Aktîvîstên Mafên Mirovan (HRANA) têkildarî bîlançoya 24 saetên dawî ya şerê navbera Îsraîl-Dewletên Yekbûyî yên Emerîka (DYE) û Îranê daxuyaniyek da.

HRANA ragihand ku di nava 24 saetên bihurî de li ser 21 parêzgehên Rojhilatê Kurdistan û Îranê, herî kêm 701 êriş hatin pêkanîn ku 29 baregehên leşkerî, baregehên Supayê Pasdaran, navendên hêza Besîc, balafirgehên leşkerî, navendên polîsan, bîrên neftê û qadên enerjiya atomî yên Îranê bûn.

Li gorî rapora HRANA di encama êrişên 24 saetên bihurî de li Rojhilatê Kurdistan û Îranê 24 welatiyên sivîl jiyana xwe ji dest dan û 88 welatî jî birîndar bûn. HRANA ragihand ku piraniya êrişan li ser Esfehan, Tewrêz, Xorasanî Rezewî, Yezid, Zencan, Elbûrz û Tehran hatine pêkanîn.

Hêjayî gotinê ye ku li gorî bîlançoyên ne fermî, ji destpêka şerê Îran û Îsraîl-DYE'yê heta doh ve li Rojhilatê Kurdistan û Îranê ve, hezar û 551 welatiyên sivîl jiyana xwe ji dest dan ku 236 jê zarok bûn.