Balafira sotemeniyê ya artêşa DYE'yê li Iraqê ket
Fermandariya Navendî ya Dewletên Yekbûyî yên Emerîkayê (DYE) ragihand ku roja Pêncşemê li rojavayê Iraqê balafira sotemeniyê ya bi tîma KC-135 kete xwarê û karên lêgerîn û rizgarkirinê dewam dike.
Rayedarên Fermandariya Navendî ya DYE'yê got, "Ev bûyer di dema Operasyona Hêrsa Destanî de li qada hewayî ya dost qewimî." Di daxuyaniyê de hate ragihandin ku du balafirên bi balafira sotemeniyê re bûn, bi rengekî ewle daketin.
Hîn diyar nebû ku di bûyerê de tiştek bi kesî hatiye yan na. Ev bûyer, ji destpêkirina êrişên DYE û Îsraîlê yên li ser Îranê û vir ve balafira çaremîn a DYE'yê ye ku hate xistin.
Di destpêka mehê de sê balafirên şer ên DYE'yê di encama "êrişa dost" de bi şaşitî ji aliyê Parastina Hewayî ya Kûweytê ve hatibûn xistin û personelên wê bi rengekî ewle rizgar bûbûn.
Di şerê navbera DYE-Îsraîl û Îranê de heta niha 7 leşkerên DYE'yî jiyana xwe ji dest dan. Li gorî Reutersê nêzî 150 leşker jî birîndar bûn. Sefîrê Bilind ê Neteweyên Yekbûyî yê Îranê jî diyar kir ku li welatê wan zêdeyî 1300 kes hatin kuştin.
