Rêveberiya Xweser: Parastina sivîlan armanca me ya sereke ye
Rêveberiya Xweser a Bakur û Rojhilatê Sûriyeyê derbarê êrîşên çeteyên hikumeta demkî ya Sûriyeyê daxuyanî da û got, “Parastina sivîlan armanca me ya pêşîn e.”
ÊRÎŞA LI SER HELEBÊ
Rêveberiya Xweseriya Demokratîk a Herêma Bakur û Rojhilatê Sûriyeyê der barê êrîşên çeteyên hikumeta demkî yên li ser taxên Şêxmeqsûd, Eşrefiye û Benî Zêd ên Helebê de daxuyaniyek weşand.
Di daxuyaniyê de wiha hat gotin "Em diyar dikin ku parastina sivîlên li taxên Şêxmeqsûd û Eşrefiyê armanca me ya pêşîn e. Ji ser vê yekê em pêşniyara hêzên navneteweyî yên navbeynkar a bicihkirina hêzên li Şêxmeqsûdê li rojhilatê Firatê bi awayekî ewle pêşwazî dikin, lê bi şertê ku parastina hebûna Kurdan û meclisa xwecih a niştecihên herdu taxan li gorî peyaman 1’ê Nîsanê werin mîsogerkirin."
