Berdevkê Çapemeniyê yê QSD’ê Ferhad Şamî diyar kir ku Fermandarê Giştî yê QSD’ê Mazlûm Ebdî beriya sersalê dê biçe serdana Şamê û got, têkildarî entegrasyona QSD’ê ya nava artêşa Sûriyeyê, navbera her du aliyan têgihiştineke hevpar heye.
Berdevkê Çapemeniya Hêzên Sûriya Demokratîk (QSD) Ferhad Şamî roportaj da televîzyona Al Arabiya ya Siûdî Erebistanê û têkildarî hevdîtinên ku di çarçoveya Peymana 10’ê Adarê de navbera Rêveberiya Xweser a Bakur û Rojhilatê Sûriyeyê û Hikûmeta Demkî ya Sûriyeyê didomin, nirxandin kirin.
Şamî diyar kir ku Fermandarê Giştî yê QSD’ê Mazlûm Ebdî beriya sersalê wê biçe serdana Şamê û got, “Têkildarî mijara ku QSD divê entegreyî artêşa Sûriyeyê bibe, em hemfikir in. Têkildarî vê yekê bi Şamê re xalên me yên hevpar hene.”
