Di êrîşa DAÎŞ’ê de 3 erkdarên gumrikê birîndar bûn
Di êrîşa çeteyên DAÎŞ`ê ya li ser rêya di navbera Heleb û Reqayê de, 3 endamên zabiteya gumrikê yên hikûmeta veguhêz a Sûriyeyê birîndar bûn.
Şaneyên çeteyên DAÎŞ`ê li ser rêya Heleb û Reqayê êrîş birin ser dewriyeyeke zabiteya gumrikê yên hikûmeta veguhêz a Sûriyeyê, di encamê de 3 endamên gumrikê birîndar bûn û ew rakirin nexweşxaneyên nêzîk.
Çavdêriya Mafên Mirovan a Sûriyeyê 23`ê Kanûna derbasbûyî ragihand ku çeteyên DAÎŞ`ê li herêmên Dêrazorê, Sixnê û li ser rêya Hema û Idlibê êrîş pêk anîn.
