Derdora Bendava Tişrînê hat bombebarankirin; 3 şervanên QSD’ê birîndar bûn
QSD’ê ragihand ku komên girêdayî hikûmeta demkî bi çekên giran derdora tesîsa Bendava Tişrînê bombebaran kirin û di encamê de 3 şervan birîndar bûn.
Navenda Ragihandina Hêzên Sûriya Demokratîk (QSD) daxuyand ku îro, saet 16.00ˊan komên hikumeta demkî ya Sûriyeyê bi top û çekên giran derdora avahiya li Bendava Tişrînê ya Herêma Bakur û Rojhilatê Sûriyeyê topbaran kir.
Li gorî navendê, di encama topbaranê de 3 şervanên QSDˊê birîndar bûn.
