Hêzên Ewlekariya Hundirîn a Helebê bersiv da êrîşên komên çete yên ser bi hikumeta veguhêz a Sûriyeyê ve ku hewl didan derbasî taxa Eşrefiyê bibin; di encamê de 13 endamên çeteyan hatin kuştin.
Di navbera Hêzên Ewlekariya Hundirîn û çeteyên hikumeta demkî li derdora taxa Eşrefiyê de pevçûnên dijwar rû didin.
Hêzan di daxuyaniya xwe de diyar kir ku bersivên tund dan êrişên çeteyan ên bi tank û panzeran û dest bi paqijkirina hin avahiyên ku çete ketinê kirin.
Di daxuyaniyê de hat destnîşankirin ku hejmara çeteyên hatine kuştin derket 13ˊan, 2 BMB hatin îmhakirin, 2 çete hatin girtin.
Çeteyên hikumeta demkî bi rêya van êrişan hewl dide li dijî welatiyên li wan taxan komkujiyan pêk bînin, lê Hêzên Ewlekariya Hundirîn bersiva van êrişan didin.
