Parêzerên Rêberê Gelê Kurd Abdullah Ocalan ji bo dîtina muwekîlê xwe ku di bin şert û mercên giran yên tecrîdê li Girtîgeha Ewlekariya Bilind a Tîpa F a Îmraliyê tê ragirtin û 34 meh in tu agahî jê nayê girtin serlêdaneke nû li Serdozgeriya Komara Bûrsayê û Midûriyeta Saziya Ceza û Înfazê ya Îmraliyê kirin. Serlêdan ji aliyê parêzerên Buroya Hiqûqê ya Sedsalê Raziye Ozturk, Îbrahîm Bîmez, Emran Emekçî û Cenzîz Yureklî ve hate kirin.
Parêzeran ji bo muwekîlên xwe yên din ên li Îmraliyê Omer Hayrî Konar, Hamîlî Yildirim û Veysî Aktaş jî serlêdan kirin.
Serlêdanên hevdîtinê yên ji bo Abdullah Ocalan û 3 girtiyên ên li Îmraliyê, bi hinceta “cezayên disîplînê” tên astengkirin. Dadgeh hejmara dosyayê ya derbarê cezayê disîplînê, eşkere nake.