Parêzer Ebrû Tîmtîk ku bi daxwaza darizandina bi edalet ket rojiya mirinê û piştî têkoşîna 238 rojana jiyana xwe ji dest da, ji aliyê hevpişe, muwekîl û hevalên xwe ve li Goristana Gaziyê hat bibîranîn. Di bîranînê de pankarta “Ebru Tîmtîk nemir e” hat vekirin û cubbeyên parêzer û qurnefîl danîn ser gora wê.

Bîranîn bi deqeyek rêzgirtina ji bo Ebrû Tîmtîk û şehîdên şoreşê destpê ir. Sekretera Komeleya Hiqûqnasên Nûjen a Şaxa Stenbolê Ezgî Onalan axivî.

Onalan bi bîr xist ku îro salvegera sêyemîn a wefata Ebrû Tîmtîk e û got ku berxwedana Ebrû û Aytaç a ji bo mafê darizandina bi edalet li hemû cîhanê deng veda. Onalan diyar kir ku 2 milyon parêzerên li seranserê cîhanê dît ku parêzer çawa bi neheqî tên darizandin û li ber vê yekê rabûn.

Di bîranînê de dirûşmeya “Ebrû Tîmtîk nemir e” hat berzkirin û stranên ku parêzer Ebrû Tîmtîk jê hez dikir hatin gotin.