Namzetê AKP’ê yê Şaredariya Mezin a Wanê Osman Nurî Gulaçar, di sala 2009’an de di operasyona li dijî El Qaîde de hatiye binçavkirin û 2 mehan di girtîgehê de maye.
Namzetê AKP’ê yê Şaredariya Mezin a Wanê Osman Nurî Gulaçar ê îro Serokwezîr Recep Tayyîp Erdogan di civîna koma xwe de aşkera kir, derket holê ku di sala 2009’an de di operasyona li dijî El-Qaîde de hatiye girtin û 2 mehan di girtîgehê de maye.

Gulaçar ê di 15’ê Cotmeha sala 2009’an de bi 13 kesan re di operasyona polîsên Şaxa Terorê ya girêdayî Midûriyeta Emniyetê ya Wanê de hat binçavkirin bi 2 kesan re bi sedema “Berpirsiyarê pêkhateya El Qaîde ya Wanê ye” hatibû girtin.