Ciwanên Kurd ên li Krasnodara Rûsyayê li gundê Platnîrovskayayê kom bûn û komploya 15’ê Sibatê ya li ser Rêberê Gelê Kurd Abdullah Ocalan protesto kirin.

Li ser navê Tevgera Ciwanan Tîtalê Îbrahîm û Rustemê Cemşîd axivîn û diyar kirin ku armanca komployê ev bû ku gelê Kurd û tevgera Azadiyê bê Rêbertî bihêlin lê Rêbertiya gelê Kurd ev tişt zû dît û ev tişt pûç kir.

Ciwanan gotin “Em ê li dora Rêbertiya xwe bibin xeleqeke ji agir. Heta ku Rêber Apo azad nebe, tu Kurd wê azad nebin.”

Di çalakiyê de tecrîd hate şermezarkirin û peyama ‘Divê hemû ciwanên Kurd li her derê xwedî li Rêbertî derkevin û têkoşînê geş bikin’ hate dayîn.