Li Îzmîrê sê xwendekarên Kurd li metroyê rastî êrîşa faşîstan hatin. Komek ya 40 kesî li rawestgeha metro Bornovayê êrîşî 3 xwendekarên Kurd ên Zanîngeha Egeyê kirin.

Xwendekarên Kurd dema li rawestgeha Bornova metroyê dirawestiyan rastî êrîşa faşîstan hatin. Di êrîşê de xwendekarên Kurd lêdan xwarin û hate diyarkirin ku, tu kesê bertek nîşan neda û li bûyerê mêze dikirin.

Hate hînbûn ku, piştî polîs hatin cihê bûyerê xwendekar rakirin nexweşxaneyê. Hate ragihandin ku, hinek kesên di koma êrîşkar de rûyê wan girtî bûn û di destê wan de dar û kêr hebûn. Hate hînbûn ku, ji xwendekaran rewşa 2’an nebaşe. Tê diyarkirin ku, 2 xwendekarên rakirine Serwîsa Lezgîn ya Nexweşxaneya Fakulteya Tibê ya Zanîngeha Egeyê, serê wan durîne û difnên wan jî şikandine.