BAZÎD

Li navçeya Bazîdê ya Agiriyê, bi hezaran kes di serî de ceyranê bi armanca şermezarkirina bihabûnê derketin kolanan û meş li dar xistin. Li kolana Înegolê, bi dûrişmeya "Ev zilm e" , "Hikûmet îstifa" heta ber Şîrketa Belavkirina Ceyranê ya Arasê meşiyan û li vir çalakiya xwe bi çepik û dûrişmeyan berdawam kirin. 

Ji ber şermezarkirinan, polîsan dora avahiya Aras EDAŞ'ê girt.

MARMARÎS

Platforma Êdî Bes e ya Marmarîsê li pêşiya Şîrketa Elektrîkê ya Aydemê kom bûn û bihabûna fatûreyên elektrîkê protesto kirin.

Li ser navê platformê Nejla Başaran daxuyanî da û got “Hê beriya ku em meaşê xwe bistînin, nîvê meaşê me diçe ji fatûreyan re. Esnaf ji kirêyan zêdetir fatûreya elektrîkê didin. Em naxwazin berdêla bêîstîkrariya siyasî û ekonomîk a welat bidin.”