Ji bo gerîlayê HPG’ê Huseyîn Ceylan (Mahîr Çayan) ê di sala 2012’an de li Şemzînanê jiyana xwe ji dest da li Edeneyê mewlûd hat dayîn.

Li Taxa Ova ya navçeya Seyhan a Edeneyê ji bo gerîlayê HPG’ê Huseyîn Ceylan (Mahîr Çayan) ê di 11’ê Îlona 2012’an bi hevalekî xwe re li bejahiya Şemzînan a Colemêrgê jiyana xwe ji dest da, malbatê mewlûd da.

Di mewlûdê de posterên Rêberê Gelê Kurd Abdullah Ocalan, gerîlayê HPG’ê Huseyîn Ceylan (Mahîr Çayan) hatin daliqandin. Di mewlûdê de li gel rêveberên DBP û HDP’ê rêveberên MEYA-DER, TUHA-DER û Înîsiyatîfa Dayikên Aştiyê amade bûn.

Piştî xwendina mewlûdê xwarin hat dayîn.