Bi wesîleya Hefteya Têkoşîna li dijî Windakirina li Nezaretxaneyê, Dayikên Şemiyê li ber Edliyeya Çaglayanê daxuyaniyek da.

Di çalakiyê de ku polîsan dor li çalakgeran girtin, dayika Mûrat Yildiz ê li nezaretxaneyê hate windakirin Hanîfe Yildiz nerazîbûn nîşanî qedexeya kêfî ya li ser qada Galatasarayê da. Yildiz bang li Wezîrê Karên Hundir Suleyman Soylû û Waliyê Stenbolê kir û got, "Rojekê wê ev qedexe li te jî bê ferzkirin. Bila walî efendî jî tavilê cihê me veke."

Hanîfe Yildiz piştî daxuyaniyê bi lêdanê hate destgîrkirin.