Serokê Giştî yê MHP'ê Devlet Bahçelî Serokê Desteya Rêveber a Gulseven Medya Necat Gulseven û Berpirsyarê Weşana Giştî ya TV100 Denîz Gurel qebûl kir. Serdan li Navenda Giştî ya MHP'ê pêk hat. Devlet Bahçelî di serdanê de axivî û bal kişand ser girîngiya pêvajoya ku di çarçoveya çareseriya pirsgirêka Kurd de tê meşandin. Bahçelî got, piştgiriya partiyên siyasî hemûyan a ji bo komîsyona li meclîsê girîng e.

Bahçelî destnîşan kir ku 'Banga Aştî û Civaka Demokratîk' a Rêber Apo derî li pêşketinên erênî vekiriye û diyar kir ku helwesteke erênî ye ku PKK'ê çekên xwe îmha kir.

Bahçelî ragihand ku gelên Tirkiyeyê yekpare ye ku ji hev cihê nabe û got, weke MHP ji bo avabûna atmosfera aştiyê ew ji dil dixebitin. Bahçelî diyar kir ku ew li bendê ye, karên têkildarî pêvajoyê heta dawiya salê temam bibin.