Navenda Çapemeniya YPG’ê têkildarî mijarê daxuyaniyek weşand. Di daxuyaniyê de ev agahî hatin dayîn.

Di 6’ê Çile de çeteyên El-Nusra û Ehrar El-Şam li dijî taxa Şêx Meqsud a Halebê êrîşek lidar xistin. Hêzên me li ser çeteyên ku bi çekên giran û topên hawanan êrîşî gelên sivîl kirin de girtin. Di êrîşa dijber a hêzên me de li ser rêya Cendol çeteyek hat kuştin, gelek çete jî hatin birîndarkirin.

Di 7’ê Çile (îro) saet di 05.00’an de çeteyên DAIŞ’ê li dijî bajaroka Sirîn a dikeve başûrê Kobanê êrîşek lidar xistin. Çeteyên ku çemê Firatê derbas kirin û bi du baskan ve li dijî gundê Qadiriye yê giredayî bajaroka Sirîn êrîş kirin, ji aliye hêzên me ve hatin şopandin û li dijî wan çeteyan destwerdanek lidar xistin. Piştî şerekî dem kurt, çete neçar man ji qadê birevin. Hejmara kuştî û birîndarên çeteyan nehatiye zelalkirin.”