Bi qasî 30 HDP'yî, ji bo beşdarî meşa KJA'yê ya Botanê bibin, duh bi şev li ber avahiya HDP'ê ya Edeneyê li hev civiyan û bi otobusekê berê xwe dan Sêrtê.

Lê belê otobus li Xaçerêya Încîrlîk a navçeya Sariçamê hat sekinandin. Polîsan kontrola GBT kirin û li ser welatiyan û nava wesayîtê geriyan.

Tevî lêberîna bi saetan dewam kir jî polîsan tiştek nedîtin, lê îdîa kir ku lampeya stop a otobusê xerabe ye û nehişt wesayît bi rê bikeve.

HDP'yî bi heman wesayîtê vegerandin ber avahiya HDP'ê ya Edeneyê. HDP'yiyan nerazîbûn nîşanî rewşê dan û diyar kirin ku mafê wan ê rêwîtiyê bi awayekî kêfî hatiye astengkirin.