Kurdistaniyên li Danîmarka, Wezîrê Karên Derve yê Danîmarka ziyaret kirin, têkildarî terora dewleta Tirk a li ser Kurdistanê dosyayek pêşkêş kirin.

Li paytexta Kopenhag a Danîmarka Federasyona Komaleyên Kurd a Danîmarka (FEYKURD) û di pêşengtiya Komaleya Jinên Kurd heyetek ji 15 kesan, Wezîrê Karên Derve yê Danîmarka ziyaret kir. Di ziyaretê de dosyayek têkildarî terora dewleta Tirk a li ser Kurdistanê hat pêşkêşkirin û daxwaz ji hikûmetê hat kirin ku bikevin nava tevgerê.

Heyeta Kurd ji aliyê Musteşar Anna Kîertzner û Mades Beyer ve hat pêşwazîkirin. Di hevdîtinê de Musteşaran diyar kir ku rewşa li Kurdistanê ji nêz ve dişopînin, dosyaya heyetê hat girtin û wê di demek nêz de radestî Wezîr bikin.