Berdevkê Tevgera Goran Şoreş Hecî der barê krîza li Başûrê Kurdistanê de daxuyaniyek da. Hecî ragihand, ku weke partî ji destpêkê ve ew alîgirê çareseriya bi diyalogê ne û got, "Heta ku veger li atmosfera siyasî ya beriya 12'ê Cotmehê neyê kirin, wê pirsgirêkên krîza siyasî çareser nebin."

'DIVÊ HIKÛMET Û PARLAMENT BÊN XEBITANDIN'

Berdevkê Goran da xuyakirin, ku ji bilî rêyên diyalogê rêyeke din a çareseriya pirsgirêkan nîne û got, "Weke tevgera Goran her tim em alîgirê çareseriyapirsgirêkan a bi nîqaş û diyalogê ne. Lê belê heta ku veger li pêvajoya beriya 12'ê Cotmehê neyê kirin, parlament û hikûmet venegere ser karê xwe, pirsgirêk çareser nabin."

'PÊVAJO GIRÎNG E, DIVÊ KURD BIBIN YEK'

Hecî di dewama axaftina xwe de bal kişand ser krîzên li Rojhilata Navîn û destnîşan kir, ku di rewşeke bi vî rengî de divê Kurd yek bin û xwedî yek stratejiyê bin. Hecî got, "Herêma me, bi taybetî jî Kurdistan di pêvajoyeke girîng re derbas dibe. Pêwîste Kurd ji her demê bêhtir di nava xwe de yek bin."