Şemzînan dişewite: Daristan dişewitin, heywan dimirin
Li Şemzînanê şewata ji aliyê leşkeran ve hat derxistin dewam dike. Qadeke berfireh a daristanî ji ber şewatê tine bû. Dewlet bi zanebûn şewata ku rê li ber mirina heywanan vedike, venamirîne.
Li daristanên derdora navçeya Colemêrg Şemzînanê, şewata ji ber bomberdûmana artêşa Tirk derket, dewam dike. Ji gundê Şapatan ê ji aliyê leşkeran ve hat bombekirin û pê ve li Çiyayê Efkarê li 8 nuqteyên cuda şewat derket.
Dewlet bi ti awayî agir venamirîne. Li qadên Dola Gavana, Ginse, Kanî Botkê û Mûşanê daristan bi temamî şewitî. Ji ber şewatê kîso, sihorî, kêzik û gelek heywanên din telef bûn.
